Jonathan Castroviejo txirrindulari itzubaltzetarra Rio de Janeiroko Olinpiar Jokoetan lehiatuko da datorren abuztuaren 10ean, erlojuaren aurkako modalitatean. Castroviejorentzat bigarren Olinpiar Jokoak izango dira. 2012an, Londresen 9. sailkatu zen erlojupekoan eta 26.a izan zen errepideko proban. Itzubaltzetarra uztailaren 31n, domeka, bidaiatuko da Brasilera, aurreko egunean Donostiako Klasikan jardun ostean.
Javier Minguez Espainiako selekzioaren hautatzaileak Imanol Erviti eta Ion Izagirre euskal herritarrak ere eroango ditu Brasilera Castroviejogaz batera. Selekzioa Joaquim "Purito" Rodriguez katalanak eta Alejandro Valverde murtziarrak osatuko dute, Espainiako Txirrindularitza Federazioak ohar baten bidez jakinarazi duenez.
Castroviejo pasa den ekainean osatu zen eroriko batez; Espainiako Txapelketan paper oso ona egin zuen arren, Movistar taldeak ez zuen Tourrera eroan.
2016 eka 07 Getxo
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
