Eguerdiko kontzentrazioan bost minutuko isilunean izan ondoren, Imanol landa Getxoko alkateak eskertu die herritarrei elkarretaratzean parte hartzea “denon artean oso mezu argia igorri behar dugulako, hau da, eraso sexistak gaitzestea eta arbuiatzea, guztiz onartezinak direlako. Oso oinarrizkoa dena aldarrikatu behar dugu denon artean, hau da emakumeek gure jaietan eta espazio publikoetan mugitzeko duten askatasuna, eta harreman sexualak norekin, noiz eta nola eduki nahi duten askatasun osoz erabaki ahal dezatela. Oso oinarrizko eskubidea dena eta horrekin konpromiso aktiboa eduki behar dugu. Tolerantzia zero erakutsi behar dugu eraso sexisten aurrean". Alkateak herritarrei dei ere egin die 20:00etan Algortako Telletxe kalean dagoen puntu lilan deitutako elkarretaratzean parte hartzera.
Aixerrotako sexu-erasoa gaitzetsi dute udaletxean
Pasa den domekan Aixerrotan emakume batek pairatu zuen "eraso sexistako ustezko delitua" gaitzetsi du gaur Getxoko Udalak. Alkatea, alderdi denetako zinegotziak eta udal langileak ez ezik herritar ugari bildu da eguerdian udaletxean egindako elkarretaratzean. Arrastian, beste protesta bi izango dira. Horrelako sexu-eraso matxistak jazotzen direnean egiten duen legez, Algortako Mugimendu Feministak 19:30ean deitu du Telletxen; ordu erdi beranduago ipini du elkarretaratzea Udalak, leku berean.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun