Udalerriko preso politikoen senideei espetxeetara bisitan joateko diru-laguntzak berriro ematen hastea onartu du Getxoko Udalak; hori dela-eta, PPk jakinarazi du harremanak hautsi dituela EAJgaz. Iñaki Gamero bozeramaile popularrak emandako datuen arabera, Udalak 40.000 euro emango die presoen senideei 2017an.
Popularrek ohartarazi dute gaurtik aurrera, eta diru-laguntza horiek mantentzen diren arte, ez dutela inolako kontakturik mantenduko alderdi jeltzaleagaz. "Diru-laguntza hau onartzeak Gobernu-taldea EH Bilduren eskaeren aurrean uzkurtzen dela baieztatzen du", salatu du PPk.
"Presoen senideei diru-laguntzak ematea gehiegizkoa da. Biktimekiko errespetu falta itzela da, errekonozimendua eta konponbidea urratzen duelako", adierazi du Gamerok.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
