Gaur arrastian elkartuko da Getxoko Udalbatza. Hori dela-eta, Indabadaren aldekoek kontzentrazioa egingo dute 20:30ean, udaletxeko sarreran. Jakinarazi dutenez, espazio publikoa erabiltzeagatik eta aisialdi eskaintza egiteagatik Gobernu-taldeak "neurri polizial kezkagarriak martxan jarri ditu gure aurka: jarraipenak, identifikazioak, Ertzaintza bidaltzeko mehatxuak, jazarpen telefonikoa...". Hala, gaur egingo duten elkarretaratzeagaz, zigorrak bertan behera uztea eta arazoak "behar bezala" konpontzeko deia egin gura dute.
Halaber, udaltzainek izandako jarrerei buruzko azalpenak eta dagokien ikerketak martxan jartzeko eskaria egingo diote Keltse Eiguren Udaltzaingoaren ardura daukan zinegotziari.
Horrez guztiaz gainera, Indabadaren aldeko sinadurak biltzen hasi dira Change.org plataformaren bidez. Daborduko 470 sinadura baino gehiago jaso dituzte.
2016 aza 29
Getxo
2016 aza 14 Getxo
2016 aza 14 Getxo
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!