Tosu landan kanpatuta dauden gizon-emakumeen erabakia goraipatu du Romo Plataformak, "hirigintza garapen zentzudunaren alde egiteko eredu dira". Hori dela eta, domeka honetan, hilaren 11n, Tosu Betirakok deitutako bilera irekira parte hartzeko deia egin dute itzubaltzetarrek. Bilera 19:30ean izango da, Tosun landan bertan. Gainera, hilaren 16an, elkarretaratzea egingo dute Algortako San Nikolas plazan, 20:30ean.
Itzubaltzeta/Romoko hirigintza garapen bideragarriaren aldeko plataformak bere babesa adierazi dio Tosu Betirako taldeari. Izan ere, joan den astelehenean, Eusko Jaurlaritzak zortzi eguneko epea eman zien Ibarbengoa metro-geltokiaren ondoan dagoen landan kanpatuta daudenei eremua hustu dezaten. "Toleraezina da euskal-erakunde demokratikoek kapital espekulatzailearen menpe egotea, leku huts batean aparkaleku bat egin nahi izatea eta udalerriko gune berde bakanetarikoa suntsitu nahi izatea", deitoratu dute.
Erlazionatuak
_tokikom_735x413.jpeg)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun