Jendartea  Getxo 2017-07-14 11:05

Ciudadanosek aldarrikatu du San Inazioko parkearen zabaltze-proiektua

Getxoko Ciudadanos udal-taldeak gogorarazi du Algorta eta Neguriko mugan dagoen San Inazio parkea handitu eta hobetzeko proposamena eurek egin eta proposatu zutela, joan den urteko maiatzeko Udalbatzan. Imanol Landa alkateak atzo aurkeztu zuen Gobernu Taldearen egitasmoa.

Ciudadanosek aldarrikatu du San Inazioko parkearen zabaltze-proiektua
San Inazio parkea. © GETXOKO UDALA | Ikusi handiago | Argazki originala

Santiago Sainz Ciudadanos alderdiaren zinegotzi bakarrak hiru puntu eroan zituen Getxoko Udalbatzara, San Inazio plaza eta Miramar kalea saneatu eta zaharberritu zitzaten. Lehenengoan, ikerketa tekniko eta prozesu parte-hartzaile bana egitea eskatu zuten, zaharberritzea egokia litzatekeen jakin eta hori bideratzeko proposamenak jasotzeko. Bigarren puntuan, alderdi laranjak proposatu zuen Miramar kaleko galtzada eta espaloia konpon zitzaten. Azken puntuan, Sainzek San Inazio plazaren zaharberritzea eta egokitzea defendatu zuen, gaur egun umeen jolasguneek betetzen dituzten baldintza estandarrei egokituta. Udalbatzak onartu egin zuen proposamena.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa