Euskararen Nazioarteko Eguna

[Argazki-bilduma] Partaidetza handia Euskararen Nazioarteko Egunean, Getxon

Hiruka 2017ko abenduaren 4a

[Argazki-bilduma] Partaidetza handia Euskararen Nazioarteko Egunean, Getxon

"Euskara auzolana. Euskarak lankide nahi eta behar gaitu, urtean 365 egunez". Horixe izan zen atzo, domekan, Euskararen Nazioarteko Eguna izan zela eta, Imanol Landa alkate getxoztarrak, Goizane Miruri Bizarra Lepoaneko presidenteak eta Amaia Torrealdea Egizuko idazkariak irakurri zuten adierazpenaren izenburua. Udalerriko herritarren eta kultur eta jendarte-eragile ugariren partaidetza handia izan zen jardunaldian, jai giroan, hotz handia egin arren. Pertsona ugarik parte hartu zuten atzoko ospakizunean, goizean, Areetako Xake plazaraino heldu ziren kalejiretan zein bertan antolatutako ekitaldietan.

Getxoko Udalaren Bozeramaleen Batzordeak ostiralean aho batez adierazpen instituzionalean onartutako testua atzo irakurri zen Euskal Herriko udalerri ugaritan, Euskaraldia ekimenari hasiera emateko; hizkuntz-ohiturak aldatu gura dituzte. Alkateak ilusioa eta elkarlana eskatu zituen, euskararen lurralde eta esparru juridiko guztietan ahalik eta erarik bateratuenean gure hizkuntzarentzat etorkizun bizia irabazteko. Elkarrenganako adeitasunez. Elkartasunez. "Une aproposa da euskararen lurralde eta eremu guztietako herri aginteen arteko lankidetza ere berrikuntzaren bidetik sendotzeko", adierazi zuen Landak. Bestalde, Bizarra Lepoaneko presidenteak gehitu zuen "ideien konfrontazioari uko egin gabe, irtenbideak adostuz, bakoitzaren eginkizun eta erantzukizunekiko errespetuz, elkarrenganako leialtasunez, eta denok norabide berean bultzatuz" egin behar dugula. Egizuko idazkariak amaitu zuen nabarmenduz "Euskararen Eguneko gure konpromisoa datozen 365 egunotan izan dadin, lan egitea beharrezkoa dela, auzolana baliatuz".

Argazki-bilduma

Kultura Getxo

Erlazionatuak

Euskaraldia ekimena aurkeztuko dute domekan Areetako Xake plazan

Erabiltzailearen aurpegia Hiruka 2017 aza 29 Getxo

Euskaraldia: inertziak apurtu eta euskarazko hizkuntza-praktikak bultzatzeko egitasmo handia

Erabiltzailearen aurpegia Uriola.eus 2017 aza 24 Uribe Kosta

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun