Parkeak eta lorategiak hobetu, komun publikoak atondu eta Aiboan igogailua ipiniko du Getxoko Udalak

Boto gehien lortu zituzten hurrengo proposamenak izan ziren: udalerriko hainbat gunetan komun publikoak jartzea eta irisgarritasuna hobetzeko igogailu bat jartzea Aiboako geltoki inguruko desnibela murrizteko helburuaz. Proiektu horiek aurrera eraman ahal izateko milioi euroko diru-partida erreserbatu du Gobernu-taldeak. Amaia Agirre Gobernu Irekiaren zinegotziak oso positibotzat jo du herritarrek izan duten parte-hartzea.

Datuak

Hautatutako proposamenak honela sailkatzen dira jasotako puntuen arabera:

Jasotako botoen kopurua 1.076 izan da (aurreko urtean baino %9,1 gehiago); haietatik, 978 baliodunak eta 98 baliogabeak izan dira. 593 paperean aurkeztu dira eta 483 online; 567 andrazkoenak izan dira eta 411 gizonezkoenak. Adina kontuan hartuta, 572 boto-emaile 30-65 urte bitarteko pertsonak izan dira; 334, 65 urtetik gorakoak; eta 72, 30 urtetik beherakoak.

Paperean emandako botoei dagokienez, auzoak kontuan harturik, Romo-Areetan 224 boto jaso dira, Algortan 220 eta Andra Marin 98.

Aurrekontu parte-hartzaileen bigarren fase horretan hiru postontzi jarri ziren Algorta, Areeta eta Bidezabalgo geltokietan, proposamenak jasotzeko. Gainera, boto-ontziak egon ziren Herritarren Arretarako Bulegoetan (HAB) eta Andra Mari, Gobela eta Fadurako kiroldegietan; era berean, informatzeko karpak ere kokatu ziren Algortako Telletxe plazan, Areetako Xake plazan eta Bidezabalgo geltokiaren ondoan, eta parte hartzeko aukera eman zen udal-webgunean erabilgarri zegoen inprimaki digitala betez, baita inprimakia helbide elektronikora bidaltzeko eskaneatutako eranskin gisa ere.