Udal-hauteskundeak 2019

Getxoko EH Bildu: "Udalerria hobetzeko konpromisoa, ilusioa eta proiektua dugu"

Getxoko EH Bilduren hautagaiak. © GETXOKO EH BILDU

Erronka garrantzitsutzat hartu ditu Getxoko EH Bilduk maiatzaren 26ko udal-hauteskundeak: "Gure herria beste modura kudeatu daitekeela uste dugu, eta hobeto, gainera". Hori lortzeko hurrengo urratsa emango dute gaur arrastirako antolatu duten eztabaida irekian, 18:30ean, Romo Kultur Etxean.

Gaur arrastiko mahai-inguru irekian auzokideek gura dituzten galderak egin ahal izango dizkiete koalizio abertzaleko hautagaiei. 18:30ean jarri dute hitzordua, Romo Kultur Etxean; izan ere, eguraldia dela eta, Santa Eugenian egitearen ideia baztertu dute.

Beste kudeaketa eredu bat

Udalerria "hobeto" kudeatu daitekeela ziur dago Getxoko EH Bildu. Horren adibide gisa mahai-gaineratu ditu azken urteetan lortu dituzten neurriak: gazteen emantzipaziorako diru-laguntzak, etxe hutsen errolda egin, herriko elkarte eta jai batzordeei diru-laguntzak igo eta hondakinen kudeaketa jasangarrian urratsak eman, besteak beste. Hala ere, etorkizunari begira beste hainbat neurri har daitezkeela ere adierazi du EH Bilduk: "gure herriko arlo guztiak jasotzen dituen proiektua dugu".

Programa osorik ikusteko sakatu hemen.

Erlazionatuak

Udal-hauteskundeei begira: alkatetzarako hautagaitza-kopuru handia Getxon

Getxo

Udal-hauteskundeen bilakaera historikoari jarraituta, baita hauteskunde orokorren emaitzei erreparatuta, litekeena da EAJk eskuratzea berriro ere G...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun