Udal-hauteskundeak 2019

Getxoko udal-hedabide publikoei "astindua" eman gura die Elkarrekin Podemosek

© ELKARREKIN PODEMOS

Getxoberri aldizkarian eta Getxo Irratian aldaketa handien beharra aldarrikatu zuen Elkarrekin Podemos koalizioak atzo egindako hauteskunde-topaketan. Kultur politika izan zen ekitaldiaren ardatz nagusia: "Eguneroko kontua izan behar du kulturak, ez jaialdien inguruan ardaztutako zerbait".

"Getxoberri-k utzi egin behar dio EAJren propagandarako bitartekoa izateari, eta herritarren interesen araberako informazioa eman behar du, pluraltasuna islatuta". Hala esan zuten atzo Elkarrekin Podemoseko kideek, Itzubaltzetan egindako ekitaldian. Bestalde, Getxo Irratia berpiztu eta entzuleak berreskuratzeko proiektua dutela azaldu zuten, EHUrekiko hitzarmen baten bidez "Udala ordezkatuko duen irrati publikoa bihurtu dadin".

"Ez ditugu behar kultur edukirik gabeko eraikin handiak"

Kultura oinarrizko eskubidetzat hartu beharra dagoela aldarrikatu zuten. Ina Robles alkategaiaren esanetan, "eguneroko kontua izan behar du, ez jaialdien ingurukoa bakarrik". Kultura deszentralizatzearen aldeko apustua egin zuen hautagaiak, kaleetara eta bestelako guneetara eroanda. Aipatu barik, Muxikebarri kulturgunearen eraikuntza eta kudeaketa kritikatu zituen: "Ez dugu uste edukirik gabeko eraikin handiak egin beharra dagoenik, gero kultur proiektuen falta izango dutenak".

Roblesegaz batera, Paula Amieva eta Susana Andollo hautagaiek parte hartu zuten ekitaldian, baita ere Edu Maurak, Espainiako Kongresuako Kultura Batzordean Unidas Podemosen ordezkari ohiak. "Getxon desberdintasun handiak daude, eta halakoetan, kultur politika plural batek lagundu dezake udala egituratzen" esan zuen Maurak. Hori dela eta, zeharkako diru-laguntzen bidez kultura sustatzeko eskatu zuen.     

Erlazionatuak

Udal-hauteskundeei begira: alkatetzarako hautagaitza-kopuru handia Getxon

Getxo

Udal-hauteskundeen bilakaera historikoari jarraituta, baita hauteskunde orokorren emaitzei erreparatuta, litekeena da EAJk eskuratzea berriro ere G...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun