Muxikebarri Antzokiak 40 ekitaldi baino gehiago hartuko ditu urtea amaitu bitartean

Besteak beste, Berri Txarrak taldeak joko du urriaren 24an. CC-BY GAIZKA PE√ĎAFIEL

Antzerkia, dantza, musika eta zinea izango dira eskaintzaren protagonistak.

Urritik hasita, kultura egitaraua biziagotuko da Muxikebarri Antzokian. Antzerkia, dantza, haurrentzako ikuskizunak, musika eta zinea izango dira protagonistak eta urtarrileko lehenengo astera arte, 40 ekitaldi baino gehiago izango dira bertan. Zentroaren eskaintza adin eta profil ezberdinetako publikoei zuzenduta dago eta Kultur Etxearen ekitaldiez gain, beste erakunde, kolektibo eta ekimenakaz elkarlanean antolatutako jarduerak hartuko ditu, "Getxora programa interesgarriak gerturatzeko asmoz", arduradunen berbetan.

Udagoienean hasita, egitarauaren zutabe nagusietariko bat musika izango da. Horrela, hurrengo hiru hilabeteetan, honako talde hauek jardungo dira Muxikebarrin: Arnau Griso bikote kataluniarra (urriaren 19an), Beude bira abian duen Berri Txarrak taldea (urriaren 24an) eta Huntza (azaroaren 15ean, Udagoieneko Ostera zikloaren barruan). Horien bitartez, publiko gaztea erakarri gura dute antolatzaileek zentro berrira.

Musika klasikoa ez da faltako eskaintzan. Urriaren 30etik azaroaren 2ra Aste Koralak polifonia doinuak ekarriko ditu Getxora Japonia, Ukraina eta Erresuma Batuko abesbatzen eskutik. Azaroaren 29ann, Euskadiko Orkestra Sinfonikoa jardungo da Muxikebarrin, Fernando Velázquezek zuzenduta. Getxon emango duten saioan obra klasikoak, euskal musika eta musikagile getxotarrak eginiko doinu-banden piezak interpretatuko ditu orkestrak.

Azaroaren 10ean, zarzuela izango da lehenengo aldiz Getxon. Santos Ariño Tenorrak eta Carmen Aparicio Sopranoak Zarzuela de alta costura lana ekarriko dituzte Muxikebarrira. Argumentu hari batez lotutako erromantza eta duetoak abestuko dituzte artista horiek, Carlos Crooken zuzendaritzapean.

Urtarrilaren 4an, Alare: Euskal operaren urrezko bristadak izeneko ikuskizuna izango da. Horretan, Andeka Gorrotxategi tenor ezagunak eta Ana Otxoa Pando sopranoak euskarazko opera-errepertorioa interpretatuko dute. Saioan Bilbao Orkestra Sinfonikoak eta Bilboko Koral elkarteak ere parte hartuko dute, Óliver Díaz zuzendari arituko dela. Gainera, egun horretan bertan izango den ikuskizunaren entsegu orokorraz gozatzeko aukera izango dute zaleek.

Muxikebarriko musika eskaintzak beste genero eta estilo batzuk hartuko ditu. Pop musika izango da nagusi La fuerza del destino: Homenaje a Mecano (azaroaren 9an) saioan eta Amy Winehouse-en omenezko kontzertuan (abenduaren 28an). Nazioarteko Trikiti Jaialdiak tradiziozko soinuak ekarriko ditu azaroaren 30ean eta, abenduaren 3an, Jon Maia bertsolaria buru duen Hezurbeltzak taldeak bere musika-unibertsoa gerturatuko die zaleei. Dantza eta musika uztartuko dira Xabi Aburruzaga eta Andoni Aresti Dantza Eskolaren saioan (abenduaren 22an) eta, azkenik, Ispirit taldearen gospel soinuak gozatzeko aukera izango da urtarrilaren 2an.

Getxoko Islak

Eskaintzaren barruan aipamen berezia merezi du Getxoko islak ikuskizunak. Pablo Viar zuzendari artistikoak Getxoko 20 dantza eta kantu talde bilduko ditu musika, dantza eta interpretazioa uztartzen dituen obra originala gauzatzeko. Ikuskizuna urriaren 21etik 24ra izango da, eta Getxoko kultura aniztasuna erakutsi eta bertoko elkarteen parte-hartzea bultzatzea ditu helburu nagusiak. Guztira, sei emanaldi egingo dira eta, horiez gain, masterclass-ak eskainiko dituzte Viarrek berak (eszena-zuzendaritza) eta talde artistikoaren beste kide batzuek ere: José Luis Raymond eszenografoak, Carmen Martinez argi diseinatzaileak eta Unai Elorriaga idazleak.

Antzerkia

37. Antzerki Jardunaldiek Izar eta El veneno del teatro antzezlanak ekarriko dituzte asteburu honetan Muxikebarrira, Ghero ikuskizunarekin batera. Ziklo horren eskutik abiatuko da antzerki-denboraldia eta hurrengo hilabeteetan askotariko eskaintza izango dute antzerkizaleek. Azaroaren 16an, Elisa y Marcela komedia musikala izango da; abenduaren 1ean, Carlos Hipólito eta eskarmentu handiko Emilio Gutiérrez Caba aurrez aurre jarriko ditu sari ugari jaso dituen Copenhague obrak. Abenduaren 14an, Último tren a Treblinka antzeztuko da, 1942. urtean Varsoviako ghettoko umezurztegi batean girotua dagoen lan bizi eta lazgarria, egungo zenbait konturen inguruko gogoeta proposatzen duena. Azkenik, abenduaren 27an Intocables antzeztuko du Pentación taldeak.

Zinea

Zinea ere abiatuko da Muxikebarrin Bizkaiko zine dokumentalaren jaialdi ospetsuen eskutik. Urriaren 17an, 23an eta 31n Athletic Fundazioak antolatzen duen Thinking Football Festivaleko saridun filmak proiektatuko dira eta, azaroaren 11tik 14ra, Mendi Tour zikloa izango da. Horretan, BBK Mendi Film Festivaleko (Nazioarteko Mendiko Zinemaldia) dokumental onenak eskainiko dira.

Haurrentzako ikuskizunak

Gaztetxoak ere kontuan hartu dira egitarau berrian. Datozen hilabeteetan, honako saio hauek izango dira ikusgai Getxon: Demodé Quarteten Epa Txiki!(azaroaren 17an) antzezlan musikala; Pirritx, Porrotx eta Mari Motots pailazo ospetsuen Bizi dantza (abenduaren 21ean) ikuskizun berria eta Go!azen 6.0 (abenduaren 30ean) ETBko telesail ospetsuan oinarritutako musikala.

Data

Ekitaldia

Ordua

Aretoa

Sarrera

Urriak 11

Haur Antzerkia

Izar”

18:00

Ereaga

5 € Dagoeneko salgai

Urriak 12

Antzerkia

“El veneno del teatro”

20:00

Ereaga

10 € Dagoeneko salgai

Urriak 13

Antzerkia:

“Ghero”

19:00

Ereaga

10 € Dagoeneko salgai

Urriak 17

Zinea

Thinking Football Festival

“The Pass”

19:30

Areeta

Sarrera dohainik edukiera bete arte

Urriak 18

Zinea

Bilbao – Film Sozialak

19:30

Arrigunaga

Sarrera dohainik edukiera bete arte

Urriak 19

Kontzertua

Arnau Griso

21:00

Arrigunaga

20 € Dagoeneko salgai

Urriak 23

Zinea

Thinking Football Festival

“Next Goal Wins”

19:30

Areeta

Sarrera dohainik edukiera bete arte

Urriak 24

Kontzertua

Berri Txarrak

21:00

Arrigunaga

15 € Urriaren 13tik salgai: http://tickets.berritxarrak.net

Urriak 31

Aste Korala

JCA National Young Choir

19:30

Ereaga

3 € Dagoeneko salgai

Urriak 31

Zinea

Thinking Football Festival

“Democracia em preto e branco”

19:30

Areeta

Sarrera dohainik edukiera bete arte

Azaroak 2

Aste Korala

Glier Institute of Music Vocal Group

19:30

Ereaga

3 € Dagoeneko salgai

Azaroak 3

Aste Korala

The Korrigan Consort

19:30

Ereaga

3 € Dagoeneko salgai

Azaroak 9

Kontzertua

“La fuerza del destino: homenaje a Mecano”

20:00

Ereaga

25 € Dagoeneko salgai

Azaroak 10

Zarzuela

“Zarzuela de alta costura”

19:00

Ereaga

12 € Dagoeneko salgai

Azaroak 11-14

Zinea

Mendi Tour 2019

19:30

Areeta

3 € (saio bat); 10 € (abonamendua)

Urriaren 28tik salgai

Azaroak 15

Kontzertua

Huntza

21:30

Arrigunaga

8 € Laster salgai

Azaroak 16

Antzerkia

“Elisa y marcela”

20:00

Ereaga

10 € Dagoeneko salgai

Azaroak 17

Haur ikuskizuna

“Epa Txiki!”

18:00

Arrigunaga

6 € Dagoeneko salgai

Azaroak 21

“Getxoko Islak"

19:30

Ereaga

Algortako eta Romoko Kultur Etxeetan urriaren 14tik jaso beharreko gonbidapenak

Azaroak 22

“Getxoko Islak"

19:30

Ereaga

Algortako eta Romoko Kultur Etxeetan urriaren 14tik jaso beharreko gonbidapenak

Azaroak 23

“Getxoko Islak"

12:00

19:30

Ereaga

Algortako eta Romoko Kultur Etxeetan urriaren 14tik jaso beharreko gonbidapenak

Azaroak 24

“Getxoko Islak

12:00

18:30

Ereaga

Algortako eta Romoko Kultur Etxeetan urriaren 14tik jaso beharreko gonbidapenak

Azaroak 29

Kontzertua

Euskadiko Orkestra Sinfonikoa

19:00

Ereaga

15 € Urriaren 28tik salgai

Azaroak 30

Nazioarteko Trikitixa Jaialdia

19:00

Ereaga

8 € Dagoeneko salgai

Abenduak 1

Antzerkia

“Copenhague”

20:00

Ereaga

18 € Dagoeneko salgai

Abenduak 3

Kontzertua

Hezurbeltzak

20:00

Arrigunaga

10 € Laster salgai

Abenduak 14

Antzerkia

“Último tren a Treblinka”

20:00

Ereaga

12 € Dagoeneko salgai

Abenduak 21

Haur ikuskizuna

Pirritx, Porrotx eta Mari Motots: “Bizi dantza”

16:00

18:00

Ereaga

8 € Laster salgai

Abenduak 22

Kontzertua-dantza

Xabi Aburruzaga +

Andoni Aresti Dantza Eskola

Zehazteke

Ereaga

8 € Laster salgai

Abenduak 27

Antzerkia

“Intocables”

20:00

Ereaga

18 € Laster salgai

Abenduak 28

Kontzertua

Amy Winehouse-ri omenaldia

20:00

Arrigunaga

10 € Dagoeneko salgai

Abenduak 30

“Go!azen 6.0”

17:00

19:30

Ereaga

8 € Dagoeneko salgai

Urtarrilak 2

Gospel kontzertu

Ispirit

20:00

Ereaga

12 € Laster salgai

Urtarrilak 4

Zuzeneko entsegua

“Alare: Euskal operaren bristadak"

17:00-18:00

 

Ereaga

6 € Laster salgai

Urtarrilak 4

Opera

“Alare: Euskal Operaren bristadak "

19:30

Ereaga

40 € Laster salgai

Erlazionatuak

Antzerkiz beteko da Algorta egunotan

Getxo

Barikuan, urriak 4, 37. Antzerki Jardunaldiak abiatuko dira Getxon. Hilaren 13ra arte, eskaintza zabala hartuko du zikloak, adin ezberdinetakoei zu...
Mikel Martinez: "Euskarak zergatik irauten duen aztertu dugu antzezlan honetan"

Leioa

Domekan izango da ikusbide, Kultur Leioako auditoriumean, Ghero, azken euskalduna, Tartean Teatro konpainiak Euskaltzaindiaren laguntzaz eta bultza...