Elkarrizketak

Irakasleak eta ikasleak batera, Marokoko Panda Raid probari aurre egiteko

Algortako Fadura LHII Iurgi Aiesta eta Aitzol Baranaño irakasleek Panda Raid orientazio-probari aurre egingo diote aurten ere. Oraingoan, baina, ikasle bi batuko zaizkie abenturarako: Markel Arrasate eta Iker Lacruz. Eurakaz bildu ginen joan den barikuan institutuan bertan, Marokoko zeharkaldiaren nondik norakoak ezagutzeko.

Zazpi etapatan banatutako orientazio-proba da Panda Raid, Marokoko hegoaldea zeharkatuko duena. Denera, 375 taldek eman dute izena aurten eta, orokorrean, parte hartzaileek 10 ordu inguru eman behar izango dituzte egunean gidatzen, hondarrezko bideetatik 200 eta 300 kilometro gainditzeko. Iaz aurrenekoz joan ziren Iurgi Aiesta eta Aitzol Barañano irakasleak, 90eko hamarkadako Fiat Panda bat egokitu ondoren. Oraingoan, aldiz, bigarren ibilgailu bat prestatu dute zeharkaldirako; horretan Elektromekanika zikloko ikasle bi joango dira: Markel Arrasate eta Iker Lacruz (azkenengo hau Irlandan dabil egunotan, sokatirako Mundialean parte hartzen).

Iaz egin zuten legez, aurten ere kutsu solidarioa eman gura izan diote abenturari. Hala, eurakaz batera hainbat ordenagailu eramango dituzte Marokora bertako eskola batean dohaintzan emateko.

Erlazionatuak

Fadura LHIIko irakasle bik Marokoko rallye solidarioa egingo dute

Getxo

Iurgi Aiesta eta Aitzol Baranaño irakasleek Panda Raid rallye solidarioan hartuko dute parte, euren ikasleakaz Fadurako CIFPean bertan prest...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun