Koronabirusa Uribe Kostan

Umeek euskaraz berba egiten segitzeko mintzapraktikak antolatu ditu Algortarrok Zaintzen sareak

Askotariko aukerak egongo dira mintzapraktikak egin ahal izateko.

Osasun alertak eragindako konfinamenduak haur eta nerabe askoren euskaraz aritzeko aukerak murriztu ditu, batez ere familia ez-euskaldunetan. Egoera horrek eragin kaltegarria izan dezakeelakoan euren hezkuntza-prozesuan, Algortarrok Zaintzen herritarren zaintza-sareak mintzapraktikak bermatzeko egitasmoa jarri du martxan.

Ia hiru aste igaro dira konfinamendua ezarri zenetik; ordutik, haur eta nerabe askok euskaraz aritzeko aukera gutxi dute. Hori dela eta, arrisku handia dago hezkuntza-prozesuan bete-betean murgilduta dauden umeen euskararen erabilera murrizteko egunotan, familia ez-euskaldunetan batez ere. Izan ere, egoera horietan haurrek ez dituzte euskaraz mintzatzeko inolako baliabiderik eta horrek eragin kaltegarria izan dezake haur askoren hezkuntza-prozesuan eta, bereziki, euren hizkuntza-gaitasunetan.

Gabezia horri aurre egiteko, Algortarrok Zaintzen herritarren zaintza-sareak ume horien eta boluntarioen artean mintzapraktikak bermatzeko egitasmoa jarri dute martxan. Horren helburua da haur denek "antzeko hizkuntza-aukerak" izaten laguntzea euskaraz berba egiteko.

Zelan gauzatuko da proiektua?

Boluntarioen eskaintza erregistratuta dagoenean, koordinazioko pertsona batek haurraren (bere familiaren) kontaktua helaraziko dio boluntarioari pertsona horregaz mintzapraktika hasi ahal izateko. Arduradunek azaldu dutenez, proiektua koordinatzen duten pertsonek bakarrik izango dituzte boluntarioen eta gurasoen datuak.

Elkarrizketak banan-banakoak izatea aurreikusi dute antolatzaileek, alde bien baliabideetara eta beharretara egokituta. "Gure ustez, komenigarria da nolabaiteko jarraikortasuna ematea, baliabide hau eraginkorra eta iraunkorra izan dadin. Gure proposamena da, bakoitzak ahal duen neurrian, 15-20 minutuko tarteak bilatzea, astean bi egunetan gutxienez", azaldu dute.

Nolakoak izango dira mintzapraktikak?

Elkarrizketak birtualak izango dira, eta boluntarioak eta haurrak (bere familiak) adostutako tresnaren bidez egingo dira, hala nola telefonoa, Skype edo Whatsappeko bideo-deia erabilita.

Erlazionatuak

"Bizitza erdigunean jarri eta elkartasuna oinarri nagusi bezala jardutea dagokigu"

Getxo

Herri mugimendutik abiatuta, adinduei zein arrisku-taldeetako bizilagunei erosketak etxera eramateko eta beharrezkoa zaien bestelako hainbat gauzet...
Auzokideen zaintza bermatzeko herritarren sareak martxan

Uribe Kosta

Koronabirusaren krisiak eragindako larrialdi-egoerak arazo handiak ekar ditzake gizartean. Hori dela eta, elkarren arteko zaintza eta babesa bermat...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun