Ekainaren hasieran abiatuko dira Benta eraikineko beheko solairua berritzeko lanak

Bentak izango duen itxura, infografia batean.

Andra Mari auzoko Benta eraikin historikoko beheko solairua berritzeko lanak ekainaren lehenengo astean hasiko dira. Kontratua gauzatzeko epea bost hilabetekoa da eta kontratazio-prezioa 320.000 euro ingurukoa. Eraberritze horretan, 127,62 metro koadroko beheko solairuko eremua atonduko da, belaunaldien arteko topagune eta auzoko aktibatzaile bihurtzeko asmoa duen proiektu komunitario berri batera egokitzeko.

Lokal berriak sukalde ireki bat edukiko du, 40 metro koadro inguruko erabilera anitzeko gune bat hitzaldiak, prestakuntza txikiko kontzertuak, tailerrak edo ostalaritza jarduera tradizionalak antolatzeko, eta bainugela egokitu bat. Solairu horretako eremu bat ere gordeko da, etorkizunean eraikinaren barruan irisgarritasuna hobetuko duen igogailu bat jartzeko.

Era berean, solairu horri erantsitako gunea birgaituko da jatorrizko proiektuaren espiritua berreskuratzeko (XIX. mendean estalpe bat zen, non taberna-barra bat jartzen zen, eta, ondoren, itxitura bat jarri zitzaion). 45 metro koadroko galeria bat da, ostalaritzarako eta egonaldirako izango dena, udako terraza gisa, eta arotzeria batzuk izango ditu, kanpoalderantz erabat irekitzea ahalbidetuko dutenak.

Bestalde, proiektuak atal espezifiko bat izango du lehen solairuko forjatuaren egitura sendotzeko, egituraren ezaugarriak egungo betekizunetara egokitu ahal izateko, etorkizunean solairu horretan antolatu daitezkeen jarduerak egitea aurreikusteko.

Ezaugarri teknikoei dagokienez, lokalaren intsonorizazioan ahalegin berezia egin da udal-Ordenantza eta kutsadura akustikoari buruzko Dekretuak betetzeko.

#BentaraNoa

BentaraNoa Getxoko Udaleko Herritarren Partaidetza eta Gardentasun Arloak bultzatutako prozesua izan da, 2016tik erabiltzen ez den Benta Ángel etorbidearen 90 zenbakiko udal-eraikina erabiltzeko proposamen berriak entzun eta kontrastatzeko.

#BentaraNoa prozesuaren bidez, Udalak gonbidapen bat egin zien Getxoko herritarrei beren jakintza partekatzeko, galdera egokien, topaketen eta hainbat espazio presentzial eta digitaletako elkarrizketen bidez. Aurrez aurreko elkarrizketetan 70 ordu baino gehiago eman ziren, eta 200 proposamen inguru jaso ziren Benta berriz irekitzeko; 95 parte-hartzailek egin zituzten proposamen horiek, Udalak azaldu duenaren arabera.

Proposamenak hainbat kontzeptutan multzokatu dira, eta askotariko eremua, integratzailea eta belaunaldien artekoa eraikitzeaz hitz egiten dute, konbinazio anitzak bilatuko dituena, malgua izango dena eta ezagutza partekatu eta esperientziak trukatu ahal izango dituena. Era berean, eta bilerarako leku erakargarria izan dadin, igarobide izateari utz diezaion.

Erlazionatuak

Bentaren beheko solairua erabilera anitzeko eta ostalaritzako gune gisa egokitzeko proiektua onartu da

Getxo

Beheko solairuak 127,62 metro koadroko azalera du eta eremu hori egokitzeko proiektua joan den astean onartu zuten Gobernu Batzordean, 368.000 euro...
BentaraNoa proiektu getxoztarra saritu dute

Getxo

Getxoko BentaraNoa proiektuak lortu du Gobernu Irekiaren arloko ekimenik onenarentzako accesita, NovaGob administrazio publikorako gaztelerazko giz...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun