"Babesa adierazi nahi diegu inguru horretan espekulazioa hasi zenetik (5.000 etxebizitza egitea aurreikusten da) eraikinaren aurka borrokatu diren bizilagun eta kolektiboei", esan du koalizioak. Babesa adierazi diete, era berean, gaur 18:00etan azpiegituraren aurkako bizikleta-martxan parte hartuko dutenei.
Garraio publiko eta jasangarriaren alde egin beharra aldarrikatu du Elkarrekin Podemosek, "eta ez, beste behin, garraiobide pribatuetara egokitzen diren lan handien alde". Euren ustez, mugikortasuna hobetzeko irtenbide hobea litzateke Getxoko auzoak eta erdigunea lotuko lituzkeen udal-autobus bat. "Mota honetako eraikinek, aldiz, konponbideen ordez zementu gehiago eroaten dute aspalditik berdeguneei eustea eta lehen sektorea errespetatzea eskatzen dabiltzan eremuetara", gehitu dute.
