Koronabirusa Uribe Kostan

Bikain jatetxeagaz harremana izan dutenek PCRa egiteko eskatu du Osasun Sailak

Abuztuaren 2tik 10era bitartean Algortako Bikain jatetxean egon diren pertsonei PCR proba egiteko hitzordua eskatzeko eskatu die Eusko Jaurlaritzako Osasun Sailak eta Osakidetzak. Horretarako, norberak bere osasun zentrora edo hurrengo telefonora deitu beharko du: 900 203 050.

Bikain jatetxeko hiru langilek positibo eman dute PCR probetan. Hori dela eta, Algortako erdiguneko lokal horretan abuztuaren 2tik 10era bitartean egon direnei PCR proba egiteko eskatu die Osasun Sailak eta Osakidetzak, Zaintza Plana aplikatzeko. Horretarako, interesatuek bere osasun zentrora edo Aholku Sanitarioko telefonora PCR bat egiteko hitzordua eskatu beharko dute. Probak gaur hasiko dira egiten 15:00etatik aurrera Urdulizeko ospitalean.

Osasun Sailak eta Osakidetzak herritar guztiei ezagunak diren prebentzio-neurriak gogorarazi dizkiete, eta, COVID-19agaz bateragarriak diren sintomak edukiz gero –sukarra, eztula, eztarriko mina, arnasteko zailtasunak, usainaren galera– beren etxeetan isolatzeko eta osasun-zentrora deitzeko.  Aldi berean, lasaitasun-mezua bidali gura izan dute, eta hori bezalako neurriak prebentziokoak baino ez direla gogorarazi, eta haien asmoa dela transmisio komunitarioa ahalik eta lasterren detektatzea eta kutsadura ez zabaltzea.

Erlazionatuak

Bikain jatetxea itxi dute hiru langilek positibo eman ondoren

Getxo

COVID-19ak Uribe Kostako beste establezimendu bat ixtea eragin du: Algortako Bikain jatetxea. Kasu honetan, bertako ugazabek jakinarazi dutenez, hi...
Berango eta Erandio ere, eremu gorritik kanpo

Uribe Kosta

Apurka-apurka alarma gorritik ateratzen hasi dira Uribe Kostako udalerriak, intzidentzia-tasa 500etik beherakoa gordeta. Hala, 5.000 biztanletik go...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun