Koronabirusa Uribe Kostan

Bikain jatetxea itxi dute hiru langilek positibo eman ondoren

COVID-19ak Uribe Kostako beste establezimendu bat ixtea eragin du: Algortako Bikain jatetxea. Kasu honetan, bertako ugazabek jakinarazi dutenez, hiru langilek eman dute positibo PCR probetan. Hala, lokala itxita mantenduko dute gune denak desinfektatu arte. Horren arduradunek ohar baten bidez azaldu dute enpresa espezializatu bat kontratatu dutela desinfekzio-lanak egiteko.

Kutsatutako hiru langileak atzeman ondoren, gainontzeko beharginei egin dizkiete PCR probak. Hala, arduradunek azaldu dutenez, Osakidetzak eta Osasun Sailak eskatutako osasun-berme denak betetzen direnean lokala irekiko dute berriro ere. Bitartean, itxita segituko du.

Daborduko bost dira Uribe Kostan itxi behar izan dituzten establezimenduak bertako langileren bat COVID-19az kutsatu ondoren. Erandiogoikoko batzokia eta erretegia izan ziren lehenengoak ixten; ondoren Plentziako Bahía de Plentzia eta Casa de Marinos hotelak; eta atzo Barrikako Golfo Norte taberna. Orain, aldiz, Algortako erdiguneko jatetxeari egokitu zaio ateak ixtea lokala osorik desinfektatzeko.

Erlazionatuak

Berango eta Erandio ere, eremu gorritik kanpo

Uribe Kosta

Apurka-apurka alarma gorritik ateratzen hasi dira Uribe Kostako udalerriak, intzidentzia-tasa 500etik beherakoa gordeta. Hala, 5.000 biztanletik go...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun