Euskarazko bisita gidatu bereziak antolatu ditu zapaturako Getxophotok

© GETXOPHOTO

Martxa hartuta du jada Getxophotok, eta, aste honetan, lehentasuna emango dio euskarazko programazioari. Horretarako, besteak beste, bisita gidatu berezi bat prestatu du zapaturako, ekainaren 18rako. Horretan, Alaia Martin eta Jone Uria bertsolariek erakusketa gidatua alaituko dute, 19:00etatik aurrera.

Aste honetan, Getxophotok lehentasuna emango dio euskarazko programazioari, bertsolaritzaren eta  bisita gidatuen bidez. Ekainaren 18an, zapatuan, 11:00etan, bisita gidatu ofizialak erakusketak bisitatuko ditu, artisten lanak leku desberdinetan ikusteko. Bertan, egileen xehetasunak eta motibazioak ezagutaraziko dituzte, euskaraz, Beñat Krolem bitartekariaren eskutik.

Arrastian, 19:00etatik aurrera, aldiz, erakusketa sorta bat bisitatuko dute Alaia Martin eta Jone Uria bertsolariakaz, "Algortako kaleetan zehar artisten lanak ezagutzeko bestelako modu bat izango da", ohartarazi dute. Horretan parte hartzeko aldez aurretik izena eman beharko da, hemen.

Erlazionatuak

Jon Uriarte: "Irudiekin imajinatzeko zeintzuk aukera proposa ditzakegun ikusi nahi dugu"

Getxo

Londreseko The Photographer Gallery erakustokian egiten du lan Jon Uriarte hondarribiarrak, baina, egunotan, Getxon izango da hirugarren urtez Getx...
Ekainera mugitu duten Getxophoto jaialdiaren aurtengo leloa "Imajinatu" izango da

Getxo

Getxophotok hainbat berritasun dakartza, baina nabarmenena bere data aldaketa izango da, izan ere, 16. edizioa irailetik ekainera mugitu dute aurte...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun