Paella lehiaketaren eragina gutxitzeko neurri gehiago iragarri ditu Getxoko Udalak

Aixerrotako zelaietako ingurumena zaintzeko helburuagaz, Getxoko Udalak hondakinak biltzeari, segurtasunari, ebakuazio-bideei eta hobekuntzei dagozkien neurriak iragarri ditu. Udalak 2018tik darama Nazioarteko Paella Lehiaketan segurtasuna areagotu eta inpaktua murrizteko neurriak hartzen, eta aurten, besteak beste, pinudian etxolak jartzea debekatuko du.

Hartuko diren neurrien artean, aurten, pinudira sarbidea zigilatuko dute, bertan etxolak egitea ekiditeko; horretaz gain, eremu naturalarekiko errespetua sustatzeko kartelak ere jarriko dituzte. Udalak aurreko barikuan azaldu zituen neurriok eta beste batzuk iragarri zituen, hala nola bideak irekitzea pinudiaren inguruan garbiketa-kamioiak sar daitezen, eremu ofizialaren perimetroan argi-puntuak jartzea, ura eta mahukak jarriko dituzte hiru kokapenetan, larrialdietako ibilgailuentzako eta udal-zerbitzuetarako segurtasun-sarbideak prestatzea eta edukiontzien kopurua handitzea.

Horretaz gain, aurreko urteetan Getxoko Kultur Etxeak egin duen legez, aurten ere, bide-ingeniari batek eta gizarte-hezitzaile batek osatutako lan-talde bat kontratuko du, esparru ofizialaren pareko festan parte hartzen duten kuadrillakaz bitartekaritza-lana egin dezaten. Lantalde horrek kontuan hartu beharreko hainbat neurriri buruzko informazioa eta aholkuak emango ditu, batik bat, segurtasunaren garrantzia eta ingurumenarekiko errespetuaren inguruan kontzientzia sortzeko, hain zuzen ere.

Bitartekaritza talde horren lana ekainaren 29an hasi zela azaldu du Udalak, eta ekitaldiaren aurreko egunera arte jarraituko du 2018 eta 2019an egin zuten bezala. Lan-taldea urte horietako bera denez, kuadrilla gehienakaz harremanetan jarri dira daborduko, bien arteko komunikazio errazteko.

Erlazionatuak

Nazioarteko Paella Egunean Aixerrotako pinudia babesteko neurri gehiago eskatu du Getxoko Auzokideok elkarteak

Getxo

Getxoko Auzokideok elkarteak jakinarazi du aurten Udalak neurriak hartuko dituela Aixerrota inguruko pinudia babesteko, hala nola inguru hori baliz...
Aurten ezin izango dira etxolak egin Aixerrotako pinudian, Udalak ohartarazi duenez

Getxo

Inguruko auzokideek behin baino gehiagotan aldarrikatu dutena kontuan hartu eta, aurten, Aixerrotako pinudia "zigilatu" du Getxoko Udalak bertan pa...
Getxoko Nazioarteko Paella Lehiaketa

Getxo

10:30 Nazioarteko Paella Lehiaketarako izen-ematearen hasiera. 12:00 Txalaparta-deia, Uktest-en eskutik.  12:05 Aurreskua. 12:10 Dantza-i...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun