Getxoko Aixerrotako ingurua paellen egunean zaintzeko neurri gehiago eskatu ditu Elkarrekin Podemos-IUk

Aurten pinudian etxolak egitea debekatu zuen Getxoko Udalak.

Getxoko paella lehiaketen jaietan Aixerrotako ingurua kontrolatzeko neurri gehiagoren beharra planteatu dio Elkarrekin Podemos-IU koalizioko batzarkide Xabier Benitok Bizkaiko Foru Aldundiko Amaia Antxustegi Jasangarritasun eta Ingurune Naturaleko diputatuari. Izan ere, ingurumenaren zaintza, suteen prebentzioa eta itsasertzaren babesa Aldundiaren eskumenaren barruan daudela gogoratu du koalizioak.

Elkarrekin Podemos-IU koalizioko batzarkide Xabier Benitok gogoratu du Itxas Argia taldeak antolatzen duen paellen jaiegun horretan hondakin ugari sortzen dira. "Giro ona izan arren, gero eta handiagoa den ingurumenaren gaineko inpaktuak festak jartzen ditu fokuan", deitoratu du.

Jai-eremu ofizial eta ez-ofizialaren harira, bigarren horretan zurezko etxolak jartzen direla gogoratu du, "batzuetan zorua zementatuz eta zuhaixkak kenduz, eta inguruko pinudi batean ere esku hartzen da".

Azken urteotan, Getxoko Udalak askotariko neurriak jarri ditu martxan inpaktu hori kontrolatzeko, hala ere, koalizio horretako batzarkideentzat neurri horiek "ez dira nahikoak".

"Udalaren ekintzak ez dira berriak, aspalditik inplementatzen ari dira, eta ingurumen-inpaktua etengabe hazi da", ondorioztatu du.

Azkenik, Benitok argitu du bere taldea jai horren alde dagoela, betiere ingurumena zainduta: "Paellak egiten jarraitzea nahi dugu, baina gure ingurunea zainduz. Gainera, jaiari berari mesede egingo dio".

Erlazionatuak

35 behargin ari dira egunotan Aixerrotako landa garbitzen

Getxo

Domekan, hilaren 24an, Itxas Argia Taldeak antolatutako Nazioarteko Paella Lehiaketa arrakastatsuaren ondoren, ingurua garbitzeari ekin diote udal-...
30.000 pertsona baino gehiago batu ditu Getxoko Nazioarteko Paella Lehiaketak

Getxo

Getxoko Udalak egindako balantzearen arabera, 30.000 pertsona baino gehiago hurbildu ziren domekan Aixerrotako landetara, Itxas Argia Taldeak antol...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun