Azaroan abendualdiaren koroa egin eta abenduko lehenengo domekan lau kandeletako lehena pizten dute. Horregaz ematen diete hasiera Gabonei Eslovakian. Jarraian, San Nikolas Eguna ospatzen dute, eta, egun horretan, oinetakoak, "garbiak", leihoen atarian jartzen dituzte, Nikolas Deunak gozokiz bete ditzan.
Ondoren, abenduaren 24an, familia batu eta afari oparoa egiten dute elkarregaz. "Familiako emakumeek kozinatzen dute, aza-zopa, ketutako urdaiazpikoa eta arraina, besteak beste". Janari dena mahai-gainean egon behar da, afarian zehar altxatzeak adur txarra ekartzen duelakoan; gainera, oihalaren azpian dirua jartzen dute oparoaldia erakartzeko. Behin afalduta, Jesus umetxoak "ekarritako" opariak zabaltzen dituzte eta, ondoren, mezara joaten dira. "Elizara joaten ginen, elurpetan, isilik eta bengalak ingurua argiztatzeko. Magikoa zen une hori".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
