Oposizioak hainbat helegite aurkeztu dizkio Getxoko gobernu-taldeak proposatutako HAPOari

Joan den urtarrilaren 16an amaitu zen Getxoko gobernu-taldeak aurkeztutako Hiri Antolamenduko Plan Orokorrari (HAPO) helegiteak aurkezteko epea. Askotariko herritarrek eta elkartek euren kontrakotasuna adierazi dute, baita oposizioko EH Bilduk, Elkarrekin Podemosek eta PPk ere: lehenengoak zazpi helegite aurkeztu ditu; bigarrenak, 33; eta hirugarrenak, aldiz, 110.

EH Bilduren arabera, HAPO batek herri bat irudikatzen du: "Irudikatzen du herritarren arteko elkarbizitza, herritarren mugikortasun eredua, herritarren harremantzeko modua, elkar zaintza eredua, genero politika bat dakarkigu, eredu ekonomikoa... eta beste hainbat eta hainbat politikaren oinarri da HAPOa". Hala ere, koalizio abertzaleak deitoratu du gobernu-taldeak (EAJ eta PSE-EE) aurkeztutako "errezeta" eredu zaharrenetan oinarrituta dagoela. "Aurreko HAPOaren jarraipena da, helmuga katastrofiko berbera baitu norabide". Hori dela eta, zazpi alegazioak aurkezteaz gainera, EH Bilduk jakinarazi du Adi HAPO plataformak martxoaren 25erako deitutako manifestazioagaz bat egingo duela.

Aldiz, Elkarrekin Podemos udal-taldeak 33 emendakin egin ditu, "pertsonengan oinarritutako hiri-eredu bat irudikatzeko asmoz". Horretarako, talde horretako kideek uste dute beharrezkoa dela etxebizitza eskuragarria izatea, naturaguneak babestea, turismo iraunkorra eta parte-hartzea eta gardentasuna areagotzea.

PPk, bere aldetik, 110 alegazio aurkeztu dizkio planari, proposatutakoak ez dituelako udalerrirako "berebizikoak" diren gaiak jorratu, hala nola metroaren lurperatzea, aparkatzeko arazoa eta ondare historikoa.

Oposizio osoa bat dator salatzerakoan HAPOak ez duela "benetako" parte-hartze publikoa izan, eta, ildo horretan, popularrek deitoratu dute "adar jotze" bat dela hori herritarrentzako. Halaber, talde moreak salatu du alegazioak aurkezteko epea "murritza" izan dela, eta beste bi hilabetez luzatzea eskatu zuen, "baina gobernu-taldeak uko egin zion".

Udal-taldeen alegazioen inguruko informazio gehiago:

Erlazionatuak

Getxoko gobernu-taldeak proposatutako HAPOan hainbat “lege-hauste” daudela salatu du Adi HAPO plataformak

Getxo

Gaur, astelehenean, amaituko da Getxoko gobernu-taldeak proposatutako Hiri Antolamenduko Plan Orokorrari (HAPO) alegazioak aurkezteko epea. Dabordu...
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun