Benta eraikinaren jardueren kudeaketaz eta dinamizazioaz arduratzeko prest dago BentaraNoa elkartea

Eraikinaren giltzak jaso zituen elkarteak joan den barikuan. © GETXOKO UDALA

BentaraNoa irabazi asmorik gabeko elkarteak Getxoko Andra Mari auzoko Benta eraikinaren giltzak jaso zituen joan den barikuan. Amaia Agirre alkateak eman zizkion taldeari eta, hala, hori arduratuko da bi urtez –beste bi urtez luza daiteke– higiezinaren beheko solairuan interes orokorreko jarduerak dinamizatzeaz. Izan ere, Udalak lokal hori eta ekipamendua zuzenean eta doan erabiltzeko baimena eman die.

Urrats hori emanda amaitutzat eman dute #BentaraNoa prozesu parte-hartzailea, Udaleko Komunikazio, Herritarren Partaidetza eta Gardentasun Arloak bultzatua, “administrazioaren eta herritarren arteko lankidetza bultzatzeko, benetako premiei erantzun egokiagoak emateko eta, horrela, pertsonen bizi-kalitatea eta gure udalerriko kudeaketa hobetzeko”, azpimarratu du Amaia Agirre alkateak.  Prozesu horrek 2018an accesit bat jaso zuen NovaGob Sarietako (administrazio publikorako sare soziala) Gobernu Irekiaren ekimen onenaren kategorian.

Horrela, orain, "gune balioaniztuna, integratzailea eta intergenerazionala jarriko dute abian", non ezagutza partekatu eta esperientziak trukatu ahal izango diren, euskararen erabileran eta sustapenean arreta berezia jarriz.

Erlazionatuak

BentaraNoa proiektu getxoztarra saritu dute

Getxo

Getxoko BentaraNoa proiektuak lortu du Gobernu Irekiaren arloko ekimenik onenarentzako accesita, NovaGob administrazio publikorako gaztelerazko giz...
Benta eraikina balio anitzeko gunea izatea gura dute auzokideek

Getxo

Getxoko auzokideek Benta eraikinean balio anitzeko gunea egitea proposatu dute; izan ere, Amaia Agirre Getxoko Komunikazio eta Herritarren Partaide...
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun