Promoziozko partidua galdu eta ezinezkoa izan dute Getxo Rugby taldekoek Ohorezko A Mailara igotzea

Nahia Martinez Gondra 2023ko mai. 2a, 12:09
Deskargatu Info Ahotsak :
es en fr

Artxiboko irudia. © GETXO RUGBY TALDEA

Getxo Rugbyko emakumeen taldeko jokalariek amaiera eman diote aurtengo denboraldiari, joan den zapatuan, apirilaren 29an, Olimpico Pozuelo taldearen kontra 31-12 galdu eta gero. Promoziozko partidu hori Ohorezko A Mailara igotzeko azken aukera zen, izan ere, apirilaren 23an Bartzelonaren aurkako partidua ere galdu zuten, 3-5eko emaitzagaz. Partidua gura zuten bezala bukatu ez arren, Getxo Rugbyko kide Ariane Torrontegik adierazi du amaiera arte "dena" eman zutela garaipena lortzeko eta eskerrak eman die denboraldi honetan haiek animatzera joan diren pertsona guztiei.

Apirilaren 29an, zapatuan, Valladoliden (Gaztela eta Leon, Espainia) jokatu zuten Getxo Rugbyko jokalariek euren denboraldiko azken partidua. Azkenean, hori-beltzek ez zuten garaipena lortu, eta taldeko kide den Ariane Torrontegik azaldu duenez, partidu zaila izango zela aurreikusten zuten: "Bagenekien partidu gogorra izango zela, eta horrela izan da. Meleetan gu baino gogorragoak izan dira, baina, hala ere, uste dut joko irekian guk eduki dugula kontrola".

Hala, Torrontegik hurrengo urtera arte agurtu ditu zaleak, betiere eskerrak emanez haien jarraipen beroagatik.

Kirolak Getxo
Erlazionatuak
Ohorezko A Mailara bueltatzeko partiduaren zain daude Getxo Rugby taldeko jokalariak
Ohorezko A Mailara bueltatzeko partiduaren zain daude Getxo Rugby taldeko jokalariak

Iker Rincon Moreno 2023 api 24 Getxo

Ana Masa: "Une ezin hobea dugu taldean Ohorezko A Mailara igotzeko"
Ana Masa: "Une ezin hobea dugu taldean Ohorezko A Mailara igotzeko"

Iker Rincon Moreno 2023 api 25 Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun