Getxoko Udaltzaingoak baieztatu duenez, gizon bat atxilotu zuten atzo iluntzean Aixerrotan ospatzen ari ziren Nazioarteko Paellen Lehiaketako jai-gunean. Atxiloketa emakume batek salatutako ukituengatik izan omen zen, baina Getxoko Udalak eta Udaltzaingoak oraindik ez dute gertatutakoaren inguruko informazio gehiagorik erraztu. Bitartean, Ertzaintza ari da gertatutakoa ikertzen, baina adierazi dutenez, momentuz ez da kasuagaz lotutako atxiloketarik egon.
Segurtasun Sailak hartu du atzo Aixerrotan emakume batek salatutako sexu-erasoa ikertzeko ardura; hala ere, oraindik ez dute Udalaren informazioa berretsi eta adierazi dute ez dela kasu horregaz loturarik duen atxiloketarik egin.
Era berean, Algortako Mugimendu Feministak gertaera gaitzetsi du eta elkarretaratzea deitu dute biharko, uztailaren 27rako, 19:00etan, Telletxe plazan.
Ver esta publicación en Instagram
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
