Eraso bakoitzak heteroaraua bere horretan mantentzeko tresna gisa funtzionatzen duela azpimarratu dute eragileek: "Heterosexualitatea norma da; ez da desiraren orientazio soila, inposizio bat baizik. Beraz, arau horretatik kanpo kokatzen diren desira, gorputz eta identitateak sistemak zigortu eta diziplinatzen ditu".
Halaber, salatu dute indar polizialek eta zenbait komunikabide eta instituzioek "zilegitasuna etengabe" kendu dietela mugimendu feministari eta erasoen aurka lanean egon diren eragileei. Alabaina, deitoratu dute poliziak hedabideei erasoen informazioa "filtratzen" diela, eta horiek horren erabilera "morbosoa" egiten dutela. "Eraso lesbofoboa gertakari bakan eta isolatu gisa saltzen dute, egiturazko izaera ezkutatzeko. Salaketa soziala eragotzi nahi dute, eta aldaketa sistemikoa eskatzen dugun ahotsak isilarazi", azpimarratu dute.
Horregatik, aldarrikatu dute erasoen aurrean antolatzeko eta borrokatzeko prest daudela, eta ezinbestekoa dela erantzunak "sistematikoak eta kolektiboak" izatea. Hala, autodefentsa transmaribibolloaz baliatuko dira "sistema zisheteropatriarkala akatzeko".
View this post on Instagram
