Talde ekologistak deitoratu du Euskal Herriko hondartzak eta bestelako txoko batzuk "gutxi batzuen botere gogoa asetzeko tresna" bilakatu direla: " Bertako kostaldea milaka turista dakartzaten gurutzaontzien portu bihurtu da, eta hiri nagusietako auzoak etxe turistikoz josi dira". Ildo horretan, ohartarazi dute "neurrigabeko" turismo eredu horrek "inpaktu itzulezina" eragiten duela itsasoan, airean eta lurrean.
☀️ Uda bukatzear da, eta aurten ere, gure txokoak turismoaren mesedeetara saldu eta egokitu dira.
— Jauzi Ekosoziala (@JauziEkosoziala) September 11, 2024
🛳️ Gure hondartzak kruzeroen portu bihurtu dira.
💸 Gure auzoak etxe turistikoz eta frankiziaz josi dira.
✊ Hori guztiagatik, Ereagan turismo eredu jasangaitz hau salatu dugu! pic.twitter.com/NNInRnTEIb
Horrez gain, azpimarratu dute turismo-mota horrek eragin zuzena duela herritarren bizi kalitatean. Besteak beste, nabarmendu dute negozio txikien gainbehera bultzatzea dakarrela, baita etxebizitza eskubidea ukatzea eta osasun arazoak areagotzea ere. "Bidaiatzaa aske eta arrakastatsu izatearen ikur gisa saldu digute. Baina noren askatasun? Noren arrakasta?", galdetu du Zuluagak. "Ez nirea, ez zurea", ondorioztatu du.
Jauzi Ekosoziala taldeak #NahikoaAskiDa traolaren pean egin zuten atzoko ekintza, baina, oraindino, beste protesta batzuk egingo dituzte; hurrengoa bihar, zapatuan, egingo dute: taldeak bizikleta-martxa bat egingo du Sondikako aerodromora, jet pribatuen isurketak salatzeko. Zutabeetako bat Getxotik abiatuko da.
