Aurten "Elkar mugituz egingo dugu" lelopean, mugimen sozial honen helburua da euskararen erabilera aktibatzea eta areagotzea, hizkuntza-ohituren aldaketaren bidez. Gaur emango diote hasiera ekimenari, eta 11 egunean zehar, Euskal Herri osoko milaka lagunek euren hizkuntza ohiturak aldatu eta euskaraz gehiago eta erosoago egiteko saiakera egingo dute. Gurean, Getxon egingo dute hasiera-ekitaldi nagusia, baina gainontzeko udalerrietan ere hamaika jarduera egingo dituzte ekimenean parte hartzera animatzeko.
Hasiera-ekitaldi handiak hiriburuetan izango dira, baina baita Getxon ere, Gure Zirkuko karpan. Hona hemen egun horretarako egitaraua:
- 17:30 Kalejira Musikaliagaz.
- 18:00 Ekitaldiaren hasiera:
- ALBEko bertsolariak “Balkoitik balkoira” eran.
- Aurkezlearen ongi etorria eta ekitaldiaren aurkezpena.
- Euskaraldiaren barruan Getxon hilabeteotan egindakoaren laburpen-bideoa.
- Rolen azalpena Getxoko Ahobizi baten, Belarriprest baten eta Irribizi baten eskutik.
- Gure Zirkukoen emanaldia.
- Getxoko Hamaikakoaren aurkezpena.
- Manifestuaren aurkezpena, irakurketa.
- Txapa jartze kolektiboa eta argazkia.
- 18:55 Musikalia bandak aurtengo abestia joko du.
- 19:00 Amaiera.
Herriz herriko egitarauak, hemen.
