Portu Zaharretako jaietan sokamuturra ez ospatzeko eskatzen duen auzo-elkarteak Euskal Herriko 17 animalia-elkarteren eta Animaliak Babesteko Euskal Federazioaren babesa jaso du, eta herritarren 10.000 sinadura bildu ditu, bertako albaitari-kliniken parte-hartzeagaz, udaletako osoko bilkuretan egindako esku-hartzeagaz eta hainbat bilera instituzional egin ostean. Hala eta guztiz ere, deitoratu dute oraindino ez dutela "erantzun eraginkorrik" jaso. Elkarteak azpimarratu duenez, sokamuturra "ez da tradizioa, sufrimendua baizik".
Gogoratu dutenez, bigantxak, ikuskizunerako erabiltzen dituzten animalia gazteak, distantzia luzeetatik garraiatzen dituzte, beroaren, isolamenduaren eta estresaren eraginpean. Gaineratu dutenez, Sokamuturra frogan taldekideek hainbat orduz egurtzen dituzte eta animaliei tratu txarrak ematen dizkiete.
Nabarmendu dutenez, praktika horrek getxoztarren artean polarizazio soziala sortzen duen arren, Sokamuturra Ezek positibotzat jotzen du udalerrian eta kuadrillen artean eztabaida piztu izana. "Getxok aurrerapauso bat eman behar du errespetuzko jai enpatiko eta iraunkorretarantz", azpimarratu dute.
