Maria Ubarretxena Jaurlaritzako bozeramaileak azaldu duenez, eraikinak ez zuen Euskadiko kultura-ondarearen babes-mailarik, eta, ondorioz, Jaurlaritzak ez du eskumenik haren gainean.
Adierazpenak Gobernu Kontseiluaren asteko bileraren ondoren egin ditu, Ertzaintzak eguaztenean Getxoko Udala miatu ostean. Testuinguru horretan, Ubarretxenak gogorarazi du prozedura judizial bat irekita dagoela, eta, horregatik, Jaurlaritzak ez duela baloraziorik egingo ikerketak aurrera egin bitartean.
Era berean, bozeramaileak errugabetasun-presuntzioaren garrantzia azpimarratu du, eta ikerketak gertatutakoa argitzea espero duela adierazi du ere. Gainera, "prozedurarekiko erabateko errespetua" eskatu du, auzia ahalik eta lasterren argitu dadin.
