Amaia Agirre alkateak ez du kargua utziko, oposizioak 'Irurak Bat' auziagatik bera kanporatzearen alde bozkatu arren
urt 29 Getxo
EH Bilduk, Elkarrekin Podemosek eta PPk Getxoko alkatearen dimisioa eskatu dute gaurko Udalaren osoko bilkuran, 'Irurak Bat' jauregiaren eraisketa ikertzen ari den auziaren kudeaketa dela eta. Sei ordu eta erdi iraun duen bilkuran oposizioko taldeek hainbat mozio aurkeztu dituzte bere aurka, baina horiek ez dira lotesleak izango; horretarako, zentsura-mozio bat aurkeztu beharko lukete. Horiei erantzunez, Amaia Agirre alkateak azpimarratu du ez duela kargua uzteko asmorik eta bere gobernu-taldearen kudeaketa defendatu du.
