Ekimenaren bidez, plataformaren helburua Diputazioak "proiektuaren hasieratik izan duen jarrera opako eta antidemokratikoa" salatzea da. "Diputazioak proiektuaren inguruan zabaldutako adierazpen faltsuak gezurtatzeko ere erabiliko dugu", ziurtatu dute.
Alde batetik, helburua itsasadarraren azpiko tunelaren alde dauden herritarrekaz eztabaida eraikitzailea izatea izango da, sare sozialen toxikotasunetik aldenduz; eta, bestetik, herritarrei euren arrazoiak azalduko dizkietela adierazi dute, urriaren 24an egingo duten manifestaziora gonbidatuz.
Era berean, komunikabide guztiak gonbidatu dituzte eztabaidara joatera, baita proiektuaren inguruko eztabaida bat egitera ere. "Gu prest gaude edozein eztabaidatan parte hartzeko", jakinarazi dute.
