COVID-19ari aurre egiteko neurri zehatz batzuk malgutzea eskatu dute Gorlizko ikastetxeko hainbat familiek

Joan den urriaren 28an hasi zituzten elkarretaratzeak egiten. © HAURRAK BABESTEN GORLIZ

Gorlizko ikastetxean ezarrita dauden COVID-19aren aurkako neurri zehatz batzuek ezinegona eta desadostasuna sortu du bertako hainbat ikasleren familien artean. "Bereziki, Lehen Hezkuntzako haurrek musukoa aire zabalean erabili behar izatearen aurka gaude, bai atsedenaldietan baita gorputz hezkuntzako saioetan ere", azaldu dute.  Hori dela eta, eguenero, elkarretaratzeak egingo dituzte eskolaren parean, 15:45etik 16:15era.

Gorlizko ikastetxeko hainbat ikasleren familiek Haurrak Babesten izeneko ekimena abiatu dute, COVID-19aren aurkako neurri zehatz batzuk bertan behera utz daitezen aldarrikatzeko. Horretarako, elkarretaratzeak egingo dituzte eguenero eskola parean, 15:45etik 16:15era; atzo, azaroaren 4an, bigarren aldia izan zen protestaldia egiten zutena, eta 40 lagun inguru batu zirela adierazi dute.

Horrez gainera, Haurrak ere Bai ekimenagaz bat egiten dutela aldarrikatu dute, eta, hala, datorren martitzenean, hilaren 9an, Euskal Herri mailan deitutako mobilizazioan bat egin eta eserialdia egingo dutela iragarri dute, 15:45etik 16:15era ere, eskolan bertan.

Azaldu dutenez, euren eskaera zehatzak hurrengoak dira:

  1. Eskuen higienea ura eta xaboiagaz egitea COVID-19ari aurre egiteko, "2021-2022 ikasturteko ikastetxeetako protokolo orokorrean adierazten den bezala".
  2. Aire zabalean musukorik ez erabiltzea; hau da: patioan, gorputz hezkuntzako klaseetan zein txangoetan,  etab.
  3. Egunero haurrei tenperatura ez hartzea.
  4. Jolasteko materiala erabili ahal izatea patioko orduetan.
  5. Ikasgelen errotazioa berreskuratzea, Amara Berri metodoa era egoki batean aurrera atera ahal izateko.
  6. Psikogelaren ohiko erabilpena berreskuratzea, adinez txikiagoak direnen beharrizanak lehenetsiz.
  7. Irakasleek malgutasunez jokatzea ikasleakaz COVID-19ari aurre egiteko 2021-2022 ikasturteko ikastetxeetako protokolo orokorrean agertzen diren gainerako neurrien aurrean.
Erlazionatuak

Gorlizko ikastetxea garbiketa-zerbitzurik gabe dago ikasturtea hasi zenetik

Gorliz

Gorlizko Udalak azpikontratutako garbiketa-zerbitzuko langileak greban daude, eta, horren ondorioz, ikasgeletako egoera "jasanezina" dela salatu du...
72 positibo atzeman dituzte azkenengo astean eskualdean, aurrekoan baino dozena bat gehiago

Eusko Jaurlaritzako Osasun Sailak emandako azkenengo datuen arabera, Uribe Kostan 72 kasu hauteman dira urriaren 25etik 31ra bitartean, aurreko ast...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun