Apelazio hori aurreko udal gobernuak aurkeztu zuen, aurtengo otsailaren amaieran epaiaren berri izan bezain laster. Gaur egungo gobernu-taldeak (Gorliz Bizirik) jakinarazi du epai horregaz bat datorrela eta, hartara, onartu egiten du; hori horrela, martxoan jarritako errekurtsoa bertan behera uztea erabaki du.
Epai horrek adierazten zuen langilearen osasuna babesteko eskubidea bermatzeko prebentzio-neurri nahikoak ez zirela hartu. Testuinguru honetan, Udalak azpimarratu du lanean jarraituko duela “langileen lan-eskubide guztiak eta duintasuna bermatzeko beren eginkizunetan”.
Gorlizko Udalak bere konpromisoa agertu du berdintasunaren alde udalerriko eremu guztietan, “eta nola ez, bere barneko lan-harremanetan”. Hori dela eta, berretsi egiten du berdintasunezko eta sexismorik gabeko lan-ingurunea bermatzeko konpromisoa, “non lehentasuna izango baita duintasuna, integritate fisiko eta morala, diskriminaziorik eza, laneko segurtasuna eta osasuna errespetatzea”.
