2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik. Horren ondorioz, 2021an baja eskatu zuen. Duela egun gutxi, artxibatu egin dute emakumeak bere kideari jarritako denuntzia. Izan ere, Bilboko Lan Arloko 2. zenbakiko Epaitegien eta Bizkaiko Probintzia Auzitegiaren arabera, "emakumeak salatutako jokabideak ez dira behar bezain argi aurkeztu". Horregatik, Sorginen Alabak taldeak elkarretaratzea deitu du biharko, apirilaren 24rako, Gorlizko Udaletxe plazan, 19:00etan.
"Erasoen aurrean inpunitaterik ez!" lelopean, Sorginen Alabak taldeak elkarretaratzea deitu du biharko, eguaztena, 2019an hainbat eraso matxista jasan zituen Gorlizko udaltzaingoaren kasua artxibatu dutela salatzeko. Emakumeak baja hartu zuen bere lankidearen jazarpenengatik: gizonak mototsetatik indarrez heldu zion eta burua bere genitaletara eraman zuen, isiltzeko esanez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
