Udalak azaldu duenez, bere 2027ko egutegia osatuko duten 12 argazkiak Armintzako Kultur Etxean daude ikusgai dagoeneko, eta datorren astelehenara arte, azaroak 9, lemoiztarrek 12 finalisten artean gustukoen dituzten hiru argazkiak bozkatu ahal izango dituzte, tokiko produktuen saski bana jasoko dutenak sari gisa. ​Udalak gogorarazi du pertsona bakoitzak hiru argazki baino ezin izango dituela aukeratu.

Getxoko Udaleko Gazteria Zerbitzuak eta Algortako eta Itzubaltzeta/Romoko gaztelekuek bi eguneko irteera antolatu dute abenduaren 26rako eta 27rako. Guztira, 50 gazterentzako lekua egongo da, eta parte hartu gura dutenek minutu bateko bideo bat aurkeztu beharko dute azaroaren 20a baino lehen.