Azaroaren 15ean, domeka, bigarren haurrentzako birziklapen tailerra egingo da Lemoizko Urizarko kultur gelan. Oraingo honetan, birziklatutako materialak erabiliz musika-tresnak sortzea izango da jardueraren ardatza. Tailerra 6 urtetik gorako umeei zuzenduta dago, baina antolatzaileek esan dute haur txikiagoek ere parte hartu ahal izango dutela heldu batek lagunduta.

Erandioko Arriagas/Playabarri inguruan egingo den metro-trenen kotxetegia hasierako proiektuan aurreikusitakoa baino handiagoa izango dela aurreratu dute. Instalazioak 30 tren-unitate inguru hartzeko gaitasuna izango du, eta Eusko Jaurlaritzak 2029an martxan jartzea aurreikusten du.