Duela 25 urte bezala, zapatuan mila pertsona baino gehiago hurbildu ziren Leioako udaletxearen ingurura 25 urte barru irekiko diren tuper batzuk lurperatzeko. Bertaratu ziren leioztarrekaz hitz egin genuen beren tuperrean zer sartu zuten jakin ahal izateko; hona hemen erantzunetako batzuk!

Baietz asmatu! Orbizta Euskera Elkarteak sortutako tribial moduko galdera eta erronken lehiaketa Urdulizera helduko da azaroan. Aurreratu dutenez galderak ez dira euskarari buruzkoak bakarrik: Urdulizko hizkera, geografia, kultura eta ezagutza orokorreko gaiak nahastuko dituzte.