Lemoizko Udalak jakinarazi duenez, Armintza auzoko Amorraga kalean eta Armintzekalde kaleko Tomas Deunaren Elizaren pareko eta Udal Gimnasioaren pareko guneetan lanak izango dira azaroaren 16tik 27ra bitartean, biak barne.

Azaroaren 21ean, Romo Kultur Etxeak Getxoko gaueko harrapariei eta beren egagropilen Analisiari buruzko ikastaro-tailerra hartuko du goizeko 10:00etatik 13:30era. Jarduera Getxonatura: ezagutu eta zaindu jardunaldien barruan egingo da, eta Fernando Jubetek (ANPA) eta Xabier Buenetxeak (Bolue Ingurumen Ikerketak) emango dute.

Lehenengo hitzaldian, gaueko harrapari-espezieen ohiturak, habitata, banaketa, ugaritasuna eta mehatxuak azalduko dituzte, besteak beste. Bigarrenean, berriz, harrapari horien harrapakin nagusiak aztertuko dituzte, hala nola Getxoko landetan bizi diren mikrougaztunak eta beste animalia txiki batzuk, eta horien ezaugarriei eta identifikazioari buruzko xehetasunak emango dituzte.