"StopDispertsioa" manifestazioa ostiralean Algortan

Erabiltzailearen aurpegia

Algortako bi lagunek auto istripua izan zuten joan den larunbatean Valdemoroko espetxetik (Espainia) zetozela, Arkaitz Goikoetxea (Getxo) bisitatu ondoren.

Pasadan larunbatean, maiatzak 14, dispertsioaren aurkako mobilizazioa burutu genuen egun beretsuan, Algortako presoa den Arkaitz Goikoetxea Madrileko Valdemoro espetxean bisitatzetik bueltan, auto-istripua izan zuten Getxoko bi bizilagunek. Zorionez, onik daude biak. 2016an, sakabanaketaren ondoriozko hirugarren istripua dugu; dispertsio-politika indarrean jarri zenetik ehunka izan dira senide eta lagunek errepidean izandako istripuak, 16 lagunek bizia galtzeraino. Tartean, Getxoko bizilaguna zen Antonia Hernandez, Angel Figueroa biloba bisitatzera zihoala.

Euskal preso politikoen senide eta lagunei zuzendutako salbuespeneko politika honek, giza-eskubideak urratzeaz gain, presoen ingurumaria afektibo osoari eragiten dio. Kartzela politika honen ondorioak konponezinak direla agerian geratu da pairatzen duten pertsonei dagokionean, kostu humano eta ekonomiko handiak dakarzkielarik. Astebururo-astebururo milaka kilometro egin behar izaten dituzte euren senideekin egon ahal izateko; horrela da ere espainiar eta frantziar espetxeetan sakabanatuta dauzkaten 8 algortar presoen senideen egoera, astebururo 1.200 eta 2.100km artean bidaiatu behar dituztelarik haiekin egon ahal izateko.

Dispertsio politikarekin behingoz amaitzea aldarrikatzeko, Algortako SAREk ostiral honetarako (maiatzak 20) deitutako manifestazioan parte hartzera deitu nahi zaitugu.

Maiatzak 20 (ostirala) 20:00 Telletxe plazatik

Erlazionatuak

"Sakabanaketaren ondorioz" algortar bik izan zuten auto istripua salatzeko manifestazioa deitu du Sarek

Getxo

Algortako Sarek, euskal preso, iheslari eta deportatu denen giza-eskubideen aldeko taldeak, manifestazioa deitu du bariku honetarako, hilak 20, "sa...
Algortar bik auto istripua izan dute preso bat bisitatu ostean

Getxo

Algortako bi lagunek auto istripua izan zuten joan den zapatuan, hilaren 14an, Valdemoron (Madril) euskal preso bat bisitatu ostean, Euskal Herrira...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun