Bizkaiko Foru Aldundiaren Gizarte Ekintza Sailaren Zainduz programan gertuko zaintza eskaintzeko ekintzak, prestazioak eta zerbitzuak sartzen dira. Zaintza hori autonomia pertsonala sustatzeko jardueren bidez, boluntariotzaren bidez eta zaintzaileentzako laguntza psikosozialaren bidez bideratzen da. Isabel Sanchez Robles Gizarte Ekintzako foru diputatuak nabarmendu duenez, programa horri esker, mendetasuna duten adinekoen eta haien senide edo zaintzaileen bizitza kalitatea hobetzeaz gainera, zaintza horiek ingurunerik onenean, ingurune afektibo ezagun eta hurbil batean ematea ahalbidetzen da. Programaren aurtengo aurrekontu osoa 400.000 eurokoa da, iaz baino ia heren bat gehiago. Zainduz ekimena lurralde osora iristen da eta, daborduko, Bizkaiko biztanleen %78,57 hartzen du.Besteak beste, Getxoko Udalagaz eta Uribe Kostako Zerbitzu Mankomunitateagaz sinatu ditu hitzarmenak Aldundiak.
Aldundiak Leioako Zainduz programa berritu du
Bizkaiko Foru Aldundiak beste urte batez berrituko du Zainduz programa. Ekimen horren helburua da mendetasuna duten pertsonen zaintzaileei laguntza ematea, eta Leioako Udalagaz elkarlanean dabil horretan Diputazioa. Pasa den abuztuaren 28ko Foru Gobernu Kontseiluan hartu zuten erabakia Aldundiko arduradunek. Horren bidez, laster sinatuko dute hitzarmena Leioako Udalagaz. Era horretan, Bizkaiak 12.188,38 euro inbertituko ditu beren etxeetan bizi diren eta mendetasuna duten adinekoen eta haien familiei eta zaintzaileen bizi-kalitatea hobetzeko.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun