Uribe Kosta jaietan 2016

Leioan elkarretaratze animalistak egingo dituzte gaur eta bihar

Gaurko eta biharko elkarretaratze animalistak iragarri zituzten Bilbon. © LEIOA ANIMALIEKIKO TRATU TXAR BARIK

Leioako San Bartolome auzoko jaiak direla-eta deitu dituzte abereekiko tratu txarren kontrako elkarretaratze bi. Lehenengoa gaur izango da, 18:00etan, Leioako bulebarrean eta bigarrena bihar, leku eta ordu berean. Leioa Animaliekiko Tratu Txar Barik kolektiboak egin du deialdia, iaz Esnatu Leioa herri-plataformak hartutako bidea jarraitzeko.

Leioa Animaliekiko Tratu Txar Barik kolektiboaren arabera, "iaz bildutako 10.000 sinadurei kasu egin barik, Leioako San Bartolome auzoko jaietan berriro ere asto probetako bi saio sartu dituzte egitarauan". Azaldu dutenez, protestak ez dituzte San Bartolomen bertan egingo, Leioako bulebarrean baizik, "iaz gertatu ziren istiluak ekiditeko". Jende oro gonbidatu dute parte hartzera: "hau bezalako irudiak berriro ez gertatzeko zure laguntza ezinbestekoa da. Zatoz!!".

Erlazionatuak

Leioako San Bartolomen ez da jairik faltako

Leioa

Bariku honetan, abuztuak 19, hasiko dira Basaez auzo leioztarreko festak. Hala, San Bartolome baseliza inguruan, adin eta gustu denei begira presta...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun