2016ko azaroaren 1ean, goizaldeko 02:45ak aldera izan zuen sexu-erasoaren berri Ertzaintzak; Elexalde auzoan gertatu zen. Eusko Jaurlaritzako Segurtasun Sailak ezagutarazitakoaren arabera, gizonezko gazte bat atxilotu zuten 03:30 aldera, sexu-erasoaren ustezko egilea delakoan. Neskatoa Gurutzetako ospitalera eroan zuten, eta mediku forentsearen zaintzapean utzi; etxean da daborduko. Ustezko erasotzailea, 18 urteko mutil bat, Getxoko epaitegiaren esku lotu zen, nahiz eta karguakaz aske geratu zen epailearen aurretik pasa eta gero. Hurrengo egunean, azaroaren 2an, ehunka herritar batu ziren iluntzean Leioako Boulevarden, sexu-erasoa eta indarkeria matxista salatzeko. Leioako Udalak gogor gaitzetsi zuen gertaera.
Duela urtebete Leioan izandako sexu-erasoaren ustezko egilea atxilotu dute
Goizaldean urtebete izango da 14 urteko emakume batek sexu-erasoa jasan zuela, Leioan. Bada, usteko erasotzailea egun hauetan atxilotu dute Salamancan, "El Correo" egunkariak zabaldu duenez. Bilatzeko eta atxilotzeko agindua zeukan; eta aipatu udalerrian atzeman eta behin-behinean espetxeratu egin zuten, bertoko polizia bategaz liskarra izan ostean. Laster Basauriko edo Martuteneko espetxera aldatuko dute; izan ere, hurrengo hilabeteetan epaituko dute Bizkaiko Lurralde Auzitegian. Sexu-erasoa gertatu zenetik 18 urteko gizona non zegoen ez zekiten.
Erlazionatuak
Jendetzak salatu du Leioan atzoko sexu-erasoa
2016 aza 02 Leioa
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun