Azken ondorioak irakurri zituzten atzo Gaztelueta auziko epaiketan. Berria.eus agerkariak zabaldu duenez, Alejandro Toran fiskalak uste du sexu-abusuak izan zirela, baina iruditzen zaio epaiketan ez direla frogatu gazteak salatutako larrienak. Horregatik, hasieran egindako hiru urteko espetxe zigor eskaerari eutsi dio, sexu-eraso jarraituaren delitu batengatik. Ez du larrigarririk gehitu; ez nagusitasuna, ez konfiantza. Uste du sexu-abusu delituaren parte direla beti. Hala ere, ohartarazi du zigor hori erasoak gertatu zirenean indarrean zegoen Espainiako Zigor Kodeak jasotakoa dela; gaur egungoak hogei hilabetekoa ezartzen du. Halakoetan, normalean, epaileek akusatuarentzat "onuragarriena" den zigorra jartzen dute, "gizarteratzea errazteko".
Kartzela saihes dezake Gazteluetako irakasle ohiak
Leioako Gaztelueta ikastetxeko irakasle ohiarentzat hiru urteko eskaerari eutsi dio fiskalak; baina, esan du egungo Espainiako Zigor Kodeagaz hogei hilabete izango liratekeela. 2008-2009 eta 2009-2010 ikasturteetan, 12-13 urte zituen ikasle bati sexu-abusuak egitea leporatzen diote; auzitegiak hogei hilabeteko zigorra ipiniko balio, akusatua ez lukete kartzelatuko.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun