Opus Deiko Gaztelueta ikastetxean adin txikikoa abusatu zuen irakaslea babestu dute

Opus Deiko Gaztelueta ikastetxea.

Ikastetxeak webgune bat sortu du irakasleari babesa erakusteko eta biktima “gezurretan dabilela” jakinarazteko.

Urriaren 4tik 11ra bitartean Bizkaiko Probintzia Auzitegian epaituko dute “Gaztelueta kasua”. Asier (izen faltsua) ikasleari abusuak egin zizkion irakaslearentzat hiru urteko kartzela zigorra eskatu du fiskaltzak. Aldiz, akusazio partikularrak hamar urteko espetxe zigorrera kondenatzeko eskaria egin du.

Biktimaren aita Juan Cuatrecasas Asua “sumindu” egin du ikastetxeak webgunea sortu duenean. Dioenez, adin txikikoaren zein familiaren bertsioa behin eta berriz zalantzan jartzen da. “Gainera, sarearen berri emateko gutunak banatu zaizkie ikasleei, etxean eman ditzaten”. Hala ere, familiak lortu du hainbat komunikabiderekin harremanetan jarri ostean, beraien egia zabaltzea.

“Ikastetxearen jarrera iruzurgilea, arduragabea, gezurtia da eta gainera beraien baloreekin, hau da, balore katolikoekin bat ez datorrena”, salatu du Juan Cuatrecasasek.

Albiste hau Argiak argitaratu du eta Creative Commons lizentziari esker ekarri dugu HIRUKAra.

Erlazionatuak

Gazteluetako irakasle ohia urrian epaituko dute

Leioa

Opus Deiko ikastetxeko ikaslea zenari sexu-abusuak egitea leporatzen diote; epaiketa urriaren 4tik 11ra arte izango da, Bizkaiko Lurralde Auzitegian.
Gazteluetako irakasle ohia absolbitzea eskatu du bere abokatuak

Leioa

Eduardo Ruiz de Erenchun letraduak idatzia aurkeztu ostean, laster jakingo da noiz izango den ustez ikasle bati egindako sexu-abusuei buruzko epaik...
Sendiak 10 urteko espetxealdia eskatu du Gazteluetako irakasle ohiarentzat

Leioa

Ikastetxeko irakaslea zenari salaketa ipinitako Gazteluetako ikasle ohiaren abokatuak martitzenean, urtarrilaren 30ean, aurkeztu zuen egitateen kal...
Gazteluetako irakasle ohiak sexu-abusuak ukatu egin ditu epailearen aurrean

Leioa

Leioako Gaztelueta ikastetxeko ikasle bati sexu abusuak egiteagatik auzipetutako irakasle ohiak akusazioak ukatu egin zituen atzo instrukzioko epai...