Kultura  Leioa 2019-05-10 12:24

Hemeretzi euskal konpainiak hartuko dute parte Umore Azokan

Kerman Santiago Alkorta

Leioako Udalak antolatutako Kaleko Artisten Azoka maiatzaren 16tik 19ra bitartean egingo dute. Euskal Herriko hemeretzi konpainiak hartuko dute parte azokan. Udal-iturrien esanetan, "bertoko talentuaren kontzentrazio handia" egongo da Leioan aipatutako egunotan.

Hemeretzi euskal konpainiak hartuko dute parte Umore Azokan
© LEIOAKO UMORE AZOKA | Ikusi handiago | Argazki originala

Leioak bertoko kulturaren sustapenagaz duen "konpromisoa" azpimarratu du Mari Carmen Urbieta alkateak: "Hogei urteko jardueraren ondoren, ondo baino hobeto dakigu Umore Azoka funtsezko aktiboa dela gure profesionalentzat".

Euskal Herriko hemeretzi konpainietatik hiru Leioakoak izango dira: Leioako Musika Bandak A Day at the Circus, ¡Pasen y vean! kontzertua eskainiko du, Fidias Fundazioak The Last Wimba-Dinkas ikuskizuna aurkeztuko du eta Zirkun Zirko Eskolak Zirkun txiki ikuskizuna antzeztuko du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa