Umorez beteko dira Leioako kaleak bihartik aurrera

Umore Azoka, 2016an.

Bihar, eguenean, abiatuko da Leioako Umore Azoka, udalerriko zortzi lekutan eskainiko diren hamasei ikuskizunegaz. Hala, Kaleetako sukaldean artea prestatzen lemapean, hogei urte betetzen dituen lau eguneko jaialdiari emango zaio hasiera.

Biharko, egueneko, inaugurazio jardunaldia 22 emanaldik osatuko dute. Lehenengo emanaldiak arratsaldeko 18:00etan hasiko dira, Bulebarrean eta Sabino Arana kalea oinezkoentzako prestatu ondoren sortutako eremu berrian. Ondoren, agertoki orokorrari gainerako lekuak gehituko zaizkio: Aldapa auditorioa, Udondoko Bulebarra, Udaletxeko plaza eta Errekalde plaza. Horrez gainera, Estartetxe, Kultur Leioa eta Sakoneta hartuko dituzten hiru ikuskizun ibiltari ere egongo dira.

Maila artistikoan, azpimarragarria da biharko aurreikusitako ikuskizunetatik zortzi erabateko estreinaldiak direla, eta beste hiru antzezlan lehenengo aldiz eskainiko direla kalean. Gainera, arratsaldeko seietan emanaldiak hasten direnetik, ikuskizunek ez dute atsedenik izango ia gauerdia gainditu arte.

Egitarau osoa ikusteko sakatu hemen.

 

Erlazionatuak

Hemeretzi euskal konpainiak hartuko dute parte Umore Azokan

Leioa

Leioako Udalak antolatutako Kaleko Artisten Azoka maiatzaren 16tik 19ra bitartean egingo dute. Euskal Herriko hemeretzi konpainiak hartuko dute par...
Inoiz baino estreinaldi gehiago izango ditu Leioako XX. Umore Azokak

Leioa

Maiatzaren 16tik 19ra bitartean egingo dute Leioan Umore Azoka. Aurtengoa XX. edizioa izango da eta programazio bereziagaz ospatuko dute orain arte...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun