Iban Rodriguez alkategai jeltzaleak hauteskunde-kanpainan azaldu duenez, Leioan bizi diren pertsona guztien bizi-kalitatea "bermatu eta hobetu" gura dute, "inor atzean utzi gabe". Horretarako, aukera eta baliabidez beteko herrigunea sortu gura du EAJk. Hezkuntza arloan, institutua herrigunearen erdian eraikitzeko proposamena egin du talde horrek, baita osasun-zentroa udalerriaren beharretara egokitzekoa ere.
Leioan ohitura osasungarriak sustatu gura dituzte; hala, oinezkoentzako guneak sustatuko ditu EAJk, urbanoak eta berdeak. Era berean, auzoak berrituko dituztela iragarri dute, Pinueta, Lamiako eta San Joseko garapenei esker. Gainera, gazteentzako babestutako etxebizitzak eraikitzearen aldeko apustua egingo dutela agindu dute.
Kiroldegi berri baten eskaerari erantzuna eman gura dio EAJk baita ere; kirola aire zabalean praktikatzeko guneak prestatuko dituzte baita ere. Era beran, eskaintza kulturala indartzeko ahaleginak egingo dituztela iragarri dute, baita kultur etxe berria eraiki Lamiakon ere, besteak beste.
