Leioko Udalak jakinarazi duenez, ikastaro hauek eskainiko dituzte:
- Berdintasunezko hizkuntzaren komunikazioa eta erabilera (20 ordu): Hizkuntzaren erabilerak gure pentsamenduen eraikuntzan duen eragina aztertu ondoren, berdintasunezko komunikazioa sustatzeko tresnak eskaintzen dira. Apirilaren 27tik maiatzaren 17ra. Gaztelaniaz.
- Sexologia, sexuen hizkuntzari aplikatua (15 ordu): Gaur egun ikusten ditugun gizarte-arazoen aurrean (emakumeen aurkako indarkeria, sexu-aniztasunarekiko errespetu-falta, gura gabeko haurdunaldiak, sexu-abusuak...) ikastaro honek hezkuntza-ikuspegi integral baten aldeko apustua egiten du, sexualitatearen alderdi positiboei arreta emanez. Maiatzaren 18tik 31ra. Gaztelaniaz.
- Genero-indarkeriaz jakin behar duzuna (20 ordu): Jarrera kritiko eta enpatikoa sortzea genero-indarkeriaren biktima diren emakumeen eta adingabeen egungo errealitateaz, eta indarkeriaren iraupenean eta haren ondorioetan eragina duten funtsezko faktoreak ezagutzea. Ekainaren 1etik 21era. Euskaraz edo gaztelaniaz.
Ikastaroak doakoak dira. Hemen ikus daiteke haien gaineko xehetasun gehiago.
