Aipatutakoaz gain, Udalak asmoa du 100.000 euro bideratzeko osasun-arrazoiengatik egin beharreko instalazioak (manparak, bereizgailuak, metakrilato-xaflak...) ordaintzen laguntzeko. Beste 100.000, berriz, deskontu-bonuen bidez herrian erostea sustatzeko kanpaina bi antolatzeko erabiliko dira. Bestalde, tabernei ez zaie tasarik kobratuko terrazengatik.
"Funts horiek Ekonomia Sustapen Sailaren aurrekontuan dagoeneko sartutako funtsetatik datoz, beste sail batzuetatik indartzeko ekarri diren funtsekin batera, bai eta egin ezin izan diren edo ezin egingo diren beste proiektu batzuetara bideratutako partidetatik ere", azaldu du Udalak.
Azkenik, gogorarazi gura izan dute harremanetarako telefono bat dagoela martxan, "hainbat neurriri buruzko zalantzak argitzeko eta enpresei, saltokiei, ostalaritzari eta autonomoei orientazioa emateko".
