Nerabe eta helduentzako maskara-banaketa amaitu eta egun gutxira, 12 urtetik beherakoei ere hiruna emango dizkietela iragarri berri du Leioako Udalak. Astebete barru banatzen hasteko asmoa dute, dena ondo badoa.
"Egunotan etengabe saiatu ondoren", umeentzako maskara lortu dituela jakinarazi du udalak. Hiruna eman zizkieten 12 urtetik gorakoei, eta beste horrenbeste emango dizkiete herrian erroldatuta dauden umeei. Orduan bezala, doakoa izango da banaketa.
"Leioako Udalak bermatu egiten du bai maskara horiek, bai helduenek, lege- eta osasun-ziurtagiri guztiak betetzen dituztela, herritarrek erabil ditzaten", argitu dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
