Udalak 400.000 euro emango ditu establezimenduei laguntzeko, ostalaritzakoei bereziki

Leioako Udalak 400.000 euro bideratu ditu udalerriko establezimenduei zuzendutako bigarren laguntza-lerrora, "egungo krisiak eragindako galerak gutxitzeko asmoz". Adierazi dutenez, "keinu berezia" egin gura diete ostalaritza-negozioei, eta honenbestez, haien kasuan 300 euro gehituko zaizkio laguntzaren zenbatekoari.

Ezohiko dirulaguntza-deialdi hau hamar langile baino gutxiago eta bi milioi euro baino gutxiagoko negozio-bolumena duten, Leioan dauden eta egungo osasun-krisiaren ondorioz kaltetuak izan diren enpresa txiki eta ertainei zuzenduta dago.

Establezimendu onuradun bakoitzari, bere kargura langilerik izan gabe, eta taxi-lizentzia bakoitzari eman beharreko laguntzaren gehieneko zenbatekoa 900 eurokoa da. Langile bat eta hiru bitarte dutenei 300 euro gehiago emango dizkiete, 4tik 5era bitarte dutenei 600 euro gehiago, eta sei langile edo gehiago dituztenei 900 euro gehiago. Ostalaritza-establezimenduei, esan legez, beste 300 euro gehituko zaizkie.

Eskaerak egiteko epea Bizkaiko Aldizkari Ofizialean argitaratu eta hurrengo egunean hasiko da, datorren astean ziurrenik, eta hogei egun naturaleko iraupena izango du.

Eskabide guztiak Udaletxean egoitza elektronikoaren bidez izapidetuko dira, eta deialdiaren oinarriak ikusgai daude jada Udalaren webguneko iragarki-taulan. Nobedade modura, eta eskatzaileei izapideak errazteko, aurkeztutako kontu-zenbakiak egiaztatuko dira ofizioz, banku-ziurtagiririk behar izan barik. Horrela, Udalak saihestu egingo du eskatzaileek bankura joan behar izatea izapide horretarako.

Erlazionatuak

Laguntza gehiago eskatu dituzte Getxoko ostalariek

Getxo

"SOS Getxoko ostalaritza" lemapean, mobilizazioa egin dute gaur udalerriko dozenaka ostalarik. Eguerdiko 11:30ean hasita, manifestazioa egin dute...
"Egoera oso latza da"

Sopela

Udaberriko konfinamenduaz geroztik guztiz errekuperatu barik zeuden negozioentzat kolpe latza izan da ostalaritza ixteko agindua. Etxera eroateko j...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun